16.11.2018 ავტორი: tato 6 777

მიხეილ ცაგარელის პირველი პროგნოზი არჩევნების მეორე ტურთან დაკავშირებით

რომელი საპრეზიდენტო კანდიდატისთვის იქნება ასტოლოგიური თვალსაზრისით 28 ნოემბერი ხელსაყრელი, ვის რას უმზადებს კოსმოსი? - ამ კითხვებზე ასტროლოგმა მიხეილ ცაგარელმა "დაიჯესტს" უპასუხა. 

ასტროლოგი საპრეზიდენტო არჩევნების მეორე ტურში დაძაბულობასა და კონფლიქტებს პროგნოზირებს. 

"28 ნოემბრს მთვარე ლომის ზოდიაქოს გადის. ეს ნიშნავს, იმას რომ ამბიციებმა ზოგჯერ შეიძლება აგრესიული ელემენტები გამოავლინონ. ამიტომ დაძაბულობა რომ იქნება ორი აზრი არ არის. ამასთან დედამიწა უარყოფით ველშია, რაც ნიშნავს იმას რომ ამ დროს ძალიან იძაბება ენერგო ფონი ადამიანებში. ამას ემატება ზეამბიციურ ნიშანში მთვარის გავლა, ეს პერიოდი ცოტა დაძაბავს ურთიერთობას ამიტომ კონფლიქტები და დაძაბულობა აუცილებლად იქნება განსაკუთრებით რაიონებში. 

ასევე უნდა აღვნიშნოთ ერთი მნიშვნელოვანი მოვლენა, რასაც ეწოდება კონკრეტული დღის გავლენა - რამდენად პოზიტიურია ან ნეგატიურია კონკრეტული ზოდიაქოს ნიშნისთვის.
რომ ყოფილიყო საპრეზიდენტო არჩევნები დანიშნული 2 დეკემბერს, მაშინ აბსოლუტურად თანაბარი იქნებოდა პრეტენდენტების მდგომარეობა, მაგრამ 28 ნოემბერს ცოტა სხვა ვითარებაა, გრიგოლ ვაშაძეს აქვს უარყოფითი დღე, ანუ ნეგატიური ცუდი ენერგიის მატარებელია და ამიტომ წარმატებების შანსები მცირეა. სალომე ზურაბიშვილს არ აქვს კარგი დღე, მაგრამ აქვს ნეიტრალური, რაც ნიშნავს, რომ ის უკეთესია. 

ასევე მნიშვნელოვანია რომელთვის უფრო პოზიტიურია დღეა მამაკაცისთვის თუ ქალბატონისთვის თვითონ დღის ენერგეტიკა მეტ შანს აძლევს ქალბატონს. 

საპრეზიდენტო ტურში გვყავს ორი პრეტენდენტი ერთი კირჩხიბი გრიგოლ ვაშაძე, მეორე თევზი ზოდიაქო ქალბატონი სალომე ზურაბიშვილი და არჩევნები დანიშნულია 28 ნოემბერს. ეს არის ოთხშაბათი დღე, რომელსაც მართავს ინტელექტის მმართველი პლანეტა მერკური ამიტომ ძალიან კარგია იგი, იმისთვის რომ ადამიანებმა უკეთესად იაზროვნონ, ის ავითარებს ადამიანის გონებრივ ენერგიას ნაკლები იქნება ასე ვთქვათ შეცდომები და წინასწარი ანალიტიკური დასკვნების გაკეთების ტენდენცია კომუნიკაციისა და კომუნიკაბელურობის მმართველი პლანეტაა. ამიტომ ეს დღე მეტად ხელს უწყობს ადამიანებს შორის ურთიერთგაგებას", - აცხადებს ცაგარელი. 

მისივე თქმით, ზურაბიშვილს გამარჯვების შემთხვევაში წარმატებული მოღვაწეობის შანსი მეტად აქვს. 

"ზურაბიშვილს რთული პერიოდი ექნება 2019 წლის მარტიდან წლის ბოლომდე. ფარული მტრები, ჭორები გაძლიერდება მის მიმართ. მთავარია რომ ამ პერიოდში, არ დაკარგოს თავისი დიპლომატიური უნარი. დანარჩენი პერიოდი მისი მოღვაწების იქნება ძალიან კარგი. განსაკუთრებით 2020-2021 წლები სერიოზული ცვლილებები ექნება მას."

პოპულარული
240x400
ახალი